Abstract

Milagres e mendigas polo Camiño de Santiago é unha investigación sobre as ideas relixiosas e a vida cotiá de xentes que vivían preto do Camiño de Santiago, entre Santo Domingo de la Calzada e Burgos, no século XVI, nun momento de crise da peregrinación a Compostela.

Baseándose en documentos inéditos e adoptando os métodos dos estudos microhistóricos, Calvo Salgado presenta unha análise detallada do acontecido a varias mulleres que dicían ter sido curadas milagrosamente de graves doenzas. Este traballo fornécenos dun material de enorme interese para unha mellor comprensión da evolución da relixiosidade popular, da literatura de milagres e da propia historia das mulleres.