Abstract
La tradiziun dal teater rumauntsch es lungia e multifara, cumpigliand gös biblics, misteris, paschiuns, cumedgias burgaisas, drettüras noschas, sots da morts, dramas istorics, teaters patriotics e perfin cabarets. Hozindi do que adüna darcho producziuns da teater professiunelas in (u parzielmaing in) rumauntsch (perfin operas), per diversas occasiuns e festiviteds eir gös libers cun amaturas ed amatuors e natürelmaing ils teaters rumauntschs dad uniuns e societeds. Ma que chi mauncha daspö divers ans es üna promoziun dürabla dal teater rumauntsch ed impustüt dal scriver teater rumauntsch. Perque haun la Lia Rumauntscha, la Vschinauncha da Zuoz ed il Zuoz Globe/Lyceum Alpinum fundo dal 2022 l’Uniun Travers ed instrado il Premi Travers. Duos voutas es il premi già gnieu surdo, ün töch es già gnieu realiso cun success.
Valär, Rico Franc